zgjohu.com.mk | Lëvizja Qytetare ZGJOHU! - Shkup

Lëvizja qytetare “Zgjohu”-Shkup u themelua në Mars të vitit 2006. Regjistrimi zyrtar në Gjyq u bë në Maj.

Aktiviteti i parë i ZGJOHU! ishte protesta e organizuar më 24 maj 2006 kundër vrasjes së tre djelmoshave të pafajshëm në Caircankë të Shkupit.

Më pas, 29 maj 2006, ZGJOHU! u promovua zyrtarisht në teatrin shqiptar në prezence të rreth 200 mysafirëve nga skena politike, kulturore, muzikore dhe intelektuale. Gjithashtu, përfaqësues të Bashkimit Evropian, Ambasadës së Shteteve të Bashkuara dhe NATO-s morrën pjesë dhe përshendetën themelimin e ZGJOHU!

ZGJOHU! u promovua për shkupjanët më 3 qershor 2006 me një koncert në Carshinë e Vjetër me program për fëmijë, të rinjë dhe muzikë popullore në fund. Gjithashtu, ZGJOHU përkrahu të njejtë ditë Life Rock Koncertin në Kurshumli An.

Gjatë fushatës parazgjedhore, ZGJOHU lëshoj një kumtesë për media duke thirrur për ndalim të dhunë parazgjedhore dhe për zgjedhje konform standardeve Evropiane.

Në bashkëpunim me UNDP Proekti ZGJOHU! dhe thuaj JO armëve filloi me 17 korrik 2006 dhe do të vazhdon gjer më 27 korrik 2006 dhe ka për qëllim vetëdijësimin e qytetarëve për angazhim në krijimin e mjedisit më të sigurtë. Aktivistët e Lëvizjës Qytetare ZGJOHU! Shkup do të shpërndajnë 9.000 fletushka në periudhë prej 10 ditëve duke kërkuar angazhim të qytetarëve për të ndaluar krimin në mjedisin tonë. Gjithashtu, aktivistë të ZGJOHU zhvilluan një anketim me qytetarët për rreziqet nga përdorimi i armëve. Më pas, më 15 shtator 2006, ZGJOHU përfundoi këto aktivitete në bashkëpunim me UNDP me organizimin e tribunave rreth krijimit të shoqërisë më të sigurtë.

Në fillim të tetorit ZGJOHU dënoi retorikën e dhunës në Parlamentin e Maqedonisë dhe ftoj partitë politike që të zhvillojnë dialog politik duke paralajmëruar angazhim e drejtpërdrejt të ZGJOHU në organizimin e tribunave për dialog politik.

Më 18 tetor 2006, ZGJOHU! organizoi tribunë me temën pse rruga drejt pranimit në NATO dhe anëtarësimit në Bashkimin Evropian mund të bëhet me dialog të hapur mes të gjithë faktorëve politik dhe instituticioneve.

Kishim nderin që mysafirë/pjesëmarrës tanë të jenë: z. Nikolla Gruevski, Кryeministër  dhe kryetar i VMRO-DPMNE, z. Ali Ahmeti, kryetar i Bashkimit Demokratik për Integrim, z Vllado Buçkovski, kryetar i Lidhjes Social-Demokrate të Maqedonisë, dhe ambasadori Erwan Fouéré, përfaqësues special i Unionit Evropian dhe kryesues i Delegacionit të Komisionit Evropian në Maqedoni. z. Arbën Xhaferi, kryetar i Partisë Demokratike Shqiptare, edhepse i ftuar dhe i konfirmuar, nukmorri pjesë.

Së fundi, ZGJOHU! u angazhua në pregaditjet për festimin e arritjes së monumentit të Skënderbeut në Shkup ....