zgjohu.com.mk | Lëvizja Qytetare ZGJOHU! - Shkup

Me rastin e 100 vjetorit të lindjes së Nobelistes shqiptare nga Shkupi Gonxhe Bojaxhiu – Nënë Tereza, Lëvizja Qytetare ZGJOHU! ka nderin të ftojë përfaqësuesit e mediave si dhe qytetarët që të bashkangjitën në aktivitetet tona të enjten më 26 gusht 2010, për të shënuar këtë date të rëndësishme kujtimi për bijën më të madhe të kombit shqiptar.

Ora 10:00 – Shpalosja e pllakës me emrin e ri të Spitalit Gjinekologjik në Çair

Ora 11:00 – Vendosja e luleve të freskëta pranë pllakës së shtëpisë së lindjes së Nënës Terezë në sheshin e Shkupit, përballë City Plaza

Ora 21:30: Promovimi i këngës dhe video spotit për këngën “Një shekull dashuri” të kënduar nga Ardian Gaxha, Leonora Poloska, Selami Kolonja, Besiana Mehmedi, Mustafa Ymeri, Laura Krliu, Berkan dhe Valon Suma. Promovimi bëhet me prezencën e të gjithë këngëtarëve në Caffe Exclusive, Sheshi Skënderbeu, Çarshia e Vjetër, Shkup

Lëvizja Qytetare “ZGJOHU!” i bashkangjitet kërkesave të Lidhjes së Arsimtarëve Shqiptarë për tërheqje të librit të Shoqërisë dhe ripërsërit kërkesën e saj për dorëheqje të mënjehershme të Ministrit të Arsimit dhe Shkencës, Nikolla Todorov, pas dështimit të rradhës me gabimet skandaloze në librat shkollore dhe fton Qeverinë që t'a shkarkojë ditë më parë në rast se Todorov refuzon të dorëhiqet.

Lëvizja ZGJOHU! përkujton që ky Ministër ka përgjegjësi absolute për kaosin në sistemin arsimor në Maqedoni, për tensionim e marrëdhënieve ndëretnike, për cenimin e autonomisë së univerziteteve shtetërore, për diskriminim e skajshëm ndaj nxënësve shqiptar, për imponimin e dështuar të gjuhës maqedonase, etj.

Ishte Ministri Todorov ai që tha se mësimi i gjuhës maqedonase për fëmijët shqiptar do të jetë i dobishëm ndërsa mësimi i gjuhës shqipe nga ana e fëmijëve maqedonase do të ishte barë e tepër për këta fëmijë. Çdo hap i Ministrit Todorov paraqet skandal potencial dhe dëmton rëndë imazhin e Qeverisë si dhe shkakton pasoja të paparashikueshme në sistemin arsimor. Çdo ditë tjetër e Todorovit e kaluar në zyrën e Ministrisë së Arsimit paraqet thellim të krizës në arsim si dhe shkas për tensionim të marrëdhënieve ndëretnike në vend.