zgjohu.com.mk | Lëvizja Qytetare ZGJOHU! - Shkup

Lëvizja Qytetare ZGJOHU! shpreh indinjatë të thellë në lidhje me ofendimin e rëndë të Televizionit SITEL ndaj qytetarëve azilkërkues të Likovës dhe Kumanovës të cilët po ktheheshin me autobus nga Belgjika në vendlindje. Në lajmet e mesditës të datës 11 mars 2010, prezentuesi i lajmeve u shpreh “Lesi kthehet në shtëpi” duke iu referuar qytetarëve shqiptar që po ktheheshin nga Belgjika.

Lëvizja Qytetare ZGJOHU! kërkon nga këshilli për radiodifuzion i Republikës së Maqedonisë që të ndermerr masa urgjente për shprehjen e qartë dhe të qëllimshme të urrejtjes në gjuhën e përdorur nga ky televizion dhe disa prej gazëtarëve që punojnë aty. Këshilli për Radiodifuzion duhet t’ia merr liçencën këtij televizion pasi që po nxit urrejtje ndëretnike dhe ndërfetare si dhe po tensionon marrëdhëniet ndërmjet dy komuniteteve më të mëdha në vend

ZGJOHU! gjithashtu kërkon nga Shoqata e Gazetarëve të Maqedonisë të dënojë ashpër këto shprehje ofenduese dhe këtë tendencë permanente të TV SITEL për nxitje të urejtjes midis dy komuniteteve shtetformuese dhe t’i fton në përgjegjësi gazetarët skandaloz dhe redaktorët përgjegjës.

Lëvizja ZGJOHU! apelon deri te të gjithë shqiptarët dhe komunitetet tjera që t’a ngrejnë zërin e protestës kundër politikës diskriminuese të televizionit SITEL. ZGJOHU! fton shoqërinë civile shqiptare, biznesin shqiptar dhe të gjithë partitë politike dhe funksionerë shqiptarë që plotësisht t’a bojkotojnë TV SITEL në rast që ky televizion nuk i kërkon falje qytetarëve të kthyer nga Belgjika dhe kombit shqiptar.

Lëvizja Qytetare ZGJOHU! ju informon që turneu në futboll “ZGJOHU! 2010” fillon ditën e shtunë, 13 mars, në ora 13:00 në stadiumin pranë shkollës fillore “Rajko Zhinzifov”, përballë supermarketit PRINCE. Ju mirëpresim

Lëvizja Qytetare ZGJOHU! dënon ashpër sulmin barbar të huliganëve maqedonas të ashtuquajtur "Komiti" kundër fëmijëve të pafajshëm shqiptarë që ndodhi ditën e shtunë në sheshin e Shkupit pas ndeshjes futbollistike Rabotniçki - Vardar dhe kërkon që shkaktarët të përballen me ligjin ditë më parë.

Lëvizja ZGJOHU! përkujton autoritetet e Ministrisë së Punëve të Brendshme që ky grup i huliganëve është po i njëjti grup që dhunoi banorët e pafajshëm të Nerezit në shtator të vitit të kaluar duke cenuar jetën dhe pronën e tyre si dhe janë po të njëjtët huliganë që u amnistuan nga autoritetet për terrorin e paparë ndaj qytetarëve të pafajshëm. Ministria e Punëve të Brendshme në vend që t'i arrestojë menjëherë, luante futboll dhe shoqëroheshe me këta huliganë të egër të ikur nga kafazët e kopshtit zoologjik.

“Asnjë rrahje, asnjë enciklopedi, asnjë imponim, asnjë manipulim që ka për qëllim shpërnguljen e shqiptarëve nga Kumanova dhe Shkupi si dhe asnjë projekt tjetër nuk do të arrijë t'i zhduk shqiptarët nga trojet e tyre shekullore, andaj ZGJOHU! porosit projektuesit e këtyre provokimeve që të heqin dorë nga qëllimet e tyre djallëzore që mëtojnë t'i realizojnë me metoda shtazarake!”, thuhet në reagimin e ZGJOHU.

Lëvizja ZGJOHU! apelon deri te autoritetet e Ministrisë së Punëve të Brendshme dhe Prokurorit Publik që urgjentisht të ndërmarrin masa kundër huliganëve që terrorizojnë qytetarët e pafajshëm dhe haptazi shfaqin urrejtje ndëretnike duke nxitur mosdurim midis komuniteteve. Sulmuesit që në mënyrë të turpshme cenuan jetën e një 11 vjeçari duhet që urgjentisht të marrin dënimin e merituar.

“Komitët vazhdojnë të sillen ashtu siç janë sjellë të parët e tyre kur kanë ardhur në këto troje gjatë shekullit të VII, me barbarizma, duke shkatërruar çdo gjë para vetës”, thuhet në reagim.