zgjohu.com.mk | Lëvizja Qytetare ZGJOHU! - Shkup

Gërmimet arkeologjike në Kalanë e Shkupit shkaktuan një dyndje të vërtetë mendimesh, reagimesh, konfrontimesh, vlerësimesh, fyerjesh, keqkuptimesh... Një gjallëri e mirëseardhur, edhepse e dhembshme. Përse reagoi ”Zgjohu", duke mos patur në gjirin e saj asnjë arkeolog, madje as historian? Kush qëndron pas tyre? Kjo është çështja që shoshitet më shpesh këtyre ditëve.

Është ndërgjegja jonë ajo që qëndron pas nesh dhe asgjë me tepër. Po ai spiritus movens që e inicoi themelimin e kësaj lëvizjeje: ndërgjegja, brenga për vetëdijen e  nëpërkëmbur kombëtare. Nuk është Pasko Kuzmani ai që na brengos më së tepërmi, jo. Ai, si dhe të tjerët e ngjashëm me të me dinakëri i keqpërdor dobësitë tona, komplekset tona, mosgatishmërinë tonë si komb për ta hulumtuar dhe pranuar të kaluarën tonë, për t'i respektuar të parët tanë. Në traditën e popujve të lindjes së largët, kinezëve dhe japonezëve ekziston kulti i adhurimit të stërgjyshërve. Kodi i lashtë japonez i sjelljes, Bushido, çmohet lartë nga ky popull krenar. Ata arritën ta gërshetojnë këtë traditë të tyre me ambicjet e kohës moderne dhe u bënë shembull i suksesit duke lënë pas shkrumin e Hiroshimës dhe Nagasakit. Në traditën aristokrate frënge ekziston kulti i kalorësisë, në atë iraniane kulti Xhavanmardi.

ZGJOHU! shpreh nje faleminderim te vecant dhe mirenjohje per ndergjegjen e larte kombetare te te gjithe qytetareve qe ishin sot prezent ne Kalane e Shkupit, por ne vecanti shoqates se historianeve shqiptar, Shvercerave Shkup, shoqates se piktoreve Art Vizion, Lidhja e shkrimtareve shqiptar, lidhja e arsimetareve shqiptar, shoqata e Grave Perspektiva, Forumi Rinor Perspektiva, Esnafi i Carshise se Vjeter, Shoqata e Invalideve Shpresa, Shoqata e te Hendikepuarve I Hendikepuari, Lidhja e Shoqatave Kulturore-Artistike Shqiptare ne Maqedoni, Shoqata e Artisteve shqiptar te muzikes dhe baletit, Dhomes se Zejtareve Cair, OH El Hilal, etj.

Deklarata ne vijim e nje akademiku maqedonas, Blazhe Ristevski, e dhene per Kanal 5, flet shume qarte per qellimet e germimeve arkeologjike ne Kala:

„Сериозната археолошка наука е многу резервирана во однос на Илирското потекло и воопшто илирската етно генеза на Албанците. Треба да се има во предвид основната вистина дека на овие територии никогаш во историјата немало никаков Албанец, жив Албанец овде немало се до турскиот период“, вели Ристески.

Lëvizja Qytetare ZGJOHU! Shkup fton qytetarët që të na bashkangjiten të SHTUNËN, më 17 MARS 2007, në ora 12:00, në amfiteatrin e KALASË së Shkupit, për një TUBIM informativ rreth mos përfshirjes së arkeologëve shqiptar në gërmimet në Kala.

I lusim qytetarët që të na bashkangjiten masovikisht dhe në mënyrë dinjitoze të ngrisim zërin kundër tendencave antishqiptare.