zgjohu.com.mk | Lëvizja Qytetare ZGJOHU! - Shkup

Në fundvit, kur bëhen balancet e vitit që po lëmë pas dhe ëndërrohet për vitin që vjen, më lejoni t'ju drejtohem me disa rreshta rreth të bërave tona dhe të pathënave, rreth perspektivave tona në këto kohë të vështira dhe sfiduese.

Po lëmë pas një vit shumë sfidues për shqiptarët në Maqedoni. Edhe një vit tjetër kaloi në të cilin shqiptarët nuk arritën dot ta realizojnë barabarësinë me komunitetin shumicë të garantuar me kushtetutën e vendit. Edhe një vit në të cilin shqiptarët nuk arritën ta marrin hisen e vet. Edhe një vit kur shqiptarët kënaqen kur marrin atë që duhet t'ju takojë natyrisht pa e kërkuar fare. Por ky vit pa edhe frutet e para të punës së ZGJOHU! dhe mediave shqiptare nëpërmjet vetëdijësimit të votuesve shqiptarë dhe bashkimin e tyre si asnjëherë më parë në betejën kundër enciklopedisë. dhe diskriminimit permanent.

Por le të përmendim disa nga aktivitetet tona. Në fillimvit, Shkupi frymëzoi dy manifestime kombëtare si shënimi i tretë rradhazi i përvjetorit të vdekjes së kryetrimit shqiptar, Gjergj Kastrioti Skënderbeu. dhe Akademinë Solemne "Dita e Plisit" me rastin e njëvjetorit të shpalljes së pavarësisë së Kosovës. Të dyja këto manifestime morrën përmasa kombëtare, nëpërmjet jehonës në Tiranë dhe Prishtinë dhe u pritën jashtëzakonisht mirë nga qytetarët. Ngritëm edhe iniciativë në Gjykatën Kushtetuese kundër ndërtimit të kishës ortodokse mbi shtëpinë e lindjes së Nënës Terezë dhe protestuam në inaugurimin e falsifikimit të trashëgimisë kulturore dhe kombëtare shqiptare nëpërmjet dislokimit të shtëpisë së familjes Bojaxhiu. U mposht edhe Ligji diskriminues për Natalitet!

Lëvizja Qytetare “ZGJOHU!”, Shoqata e Artistëve Shqiptar , Shoqata e e Historianëve Shqiptar, Shoqata e Arsimtarëve Shqiptar, Shoqata e Piktorëve Shqiptar dhe të tjera protestojnë ashpër kundër vendimit të servisit publik Radio-Televizioni i Maqedonisë që mos të lejojë edhe këtë vit pjesëmarrjen e artistëve shqiptar në festivalin Shkupi Fest dhe të konkurrojnë për përfaqësues të vendit në festivalin Eurovizion duke performuar këngë në gjuhën shqipe. Maqedonia është shtet dygjuhësor, multietnik dhe multikulturor dhe duhet të krenohet me llojlloshmërinë e saj e cila përfaqëson përparësi dhe jo mjet për keqpërdorim në duart e politikanëve.

Të gjithë bashkë gjithashtu dënojmë ashpër diskriminim kulturor që ju bëhet shqiptarëve me rastin e festimit të liberalizimit të vizave si dhe festës së Vitit të Ri. Qeveria nuk e gjeti të arsyeshme të ftojë artistë shqiptar që të performojnë me rastin e liberalizimit të vizave duke kontribuar drejtpërdrejt në kulturocid të paramenduar kundër shqiptarëve me mjete të buxhetit shtetëror 1/3 e të cilit përmbushet nga kontributet e shqiptarëve. Diskriminimi në këtë rast filloi me reklamat qeveritare që përjashtuan shqiptarët nga pjesëmarrja gjoja se liberalizimi i vizave nuk vlen edhe për shqiptarët e Maqedonisë, kontributi i të cilëve ka qenë instrumental.

Moratoriumi i shpallur 3 vite më parë nga VMRO DPMNE për qështjet ndëretnike po merr përmasa kritike me tendencë të krijimit të krizës së panevojshme që do të shërbejë si justifikim për dështimet e Qeverisë në të gjitha shtyllat programore të saj si arsimi, ekonomia, bujqësia, integrimet euroatlantike dhe zbatimi i Marrëveshjes së Ohrit.

Ky moratorium vihet në përdorim gjithnjë për të nxitur tensione në kohë kur duhet të defokusohet opinioni publik nga sfidat thëlbësore të këtij vendi sic është nevoja e menjëhershme për integrim euroatlantik të vendit si thelbi kryesor i përbashkët i të gjitha komuniteteve në vend.

Apelojmë deri te Radio Televizioni i Maqedonisë dhe “Shkupi Fest” që mos të kufizojnë performancën e këngëve vetëm në gjuhën maqedonase, por t'iu mundësojnë edhe artistëve tjerë që të konkurojnë duke ia mundësuar publikut që të vlerësojë kualitetin e këngëve duke mos i diskualifikuar ato para fillimit të festivalit.

Gjithashtu kërkojmë nga qeveria e Maqedonisë që mos të nxis ndarje multietnike dhe segregacion në shoqëri sepse shqiptarët nuk do të bijnë pre e këtyre provokimeve për tu paraqitur si fajtor për dështimet e vendit.

Shqiptarët janë të përcaktuar për ardhmërinë euroatlantike të vendit dhe do të bëjnë cmos që në këtë rrugë t’i marrin me vete edhe ato që kokën e kanë të kthyer nga perendimi ndërsa zemrën nga lindja.

18 dhjetor 2009

Me rastin e shënimit të Ditës së Flamurit 28 Nëntorit, Lëvizja qytetare ZGJOHU! organizoi një koncert madhështor në Sheshin ‘Skënderbeu’ në Shkup, me ç’rast u mblodhën mijëra qytetarë.

Mysafir nderi i këtij evenimenti ishte ambasadori i Republikës së Shqipërisë në Shkup, Arben Çejku. Përkundër motit të keq, atmosfera festive zgjati deri në orët e vona, duke u shoqëruar me yjet më të mira të muzikës shqiptare. “Ju këtu po e festoni më bukur dhe më mirë se kudo tjetër. Juve, familjeve tuaj dhe gjithë shqiptarëve kudo që janë ju uroj - Gëzuar Festën e Flamurit, suksese. Tani t’ia lëmë radhën artistëve, të cilët e begatojnë dhe e shtojnë atmosferën festive”, theksoi Arben Çejku, ambasador i Shqipërisë në Shkup.